Програми „Єшенї” нєшка у Коцуре и Дюрдьове

КОЦУР/ДЮРДЬОВ – Програми Двацец другей Културней манифестациї „Костельникова єшень” нєшка, 14. новембра, буду отримани у Коцуре и у Дюрдьове.

У Коцуре, у  Етно-клубу „Одняте од забуца”, на литературно-музичним вечаре будзе представени и компакт-диск з приповедками Владимира Сабо-Дайка „Ровнї цар”, а часц програми будзе и вистава роботох з тогорочней Подобовей колониї у Коцуре. Програму у Коцуре орґанизує Месни одбор Рускей матки, а почина на 18 годзин.

На 18 годзин нєшка почнє и програма у Дюрдьове, у просторийох КУД „Тарас Шевченко”, на хторей будзе представена найновша кнїжка поезиї Агнети Бучко Папгаргаї „Осце и черешнї”.

Попри авторки, о кнїжки буду бешедовац критичарка Олена Планчак Сакач и редактор Видавательного оддзелєня НВУ „Руске слово” Микола Шанта, а у музичней часци участвує шпивачка Ана Римар.



PRIJATELJ UDRUŽENJA - Lokalna Medijska Inicijativa PRIJATELJ UDRUŽENJA - Lokalna Medijska Inicijativa
PRIJATELJ UDRUŽENJA - Lokalna Medijska Inicijativa PRIJATELJ UDRUŽENJA - Lokalna Medijska Inicijativa
Share this article

About author

LMI - NVO

Lokalna Medijska Inicijativa

Adresa sajta www.lmi.org.rs
Top
We use cookies to improve our website. By continuing to use this website, you are giving consent to cookies being used. More details…